Esclamassion an Taliban_Esclamazioni in Talebano

PMS: Esclamassion an Taliban

Esclamazioni in Piemontese a l'é 'n mur ch'l'ha fàit ij nùmer. Lòn che 'l pms ancheuj a l'ha nen. I s-ciàiro 'l manch dij nùmer ant ël solengh argìster dj'"ùltime modìfiche" sla Wikipms. I lo sento cand mia vos a sàuta feur sè tròp dal còr. E nen për mia vos, ma përché 'l còr l'é pòch. I diso pa ch'l'é 'n brut còr, ansi am pias. Ma a l'é pòch dabon, i l'oma gnun pèis eletoral, për capisse. I saj pa 'me as peul parlé ëd dësvijé le consiense an gnorand ij nùmer. I soma ant na democrassìa, a venta 'vej ij nùmer. Dësnò i foma la "Marcia sël Turin", ch'a peul esse n'opsion curiosa.

Donch i më slongraj nen sël biné d'Esclamazioni in Piemontese con ij nùmer e sël manch ëd sust, da na mira lògica, dj'ofèise a tut col grup an massa. Mostré ai cit ëd sinch agn a l'é bin amportant, ma a l'é 'me caté ij panej solar: n'anvestiment sël longh perìod. Noi dess i l'oma bzògn ëd biava fòssil da pompé dal sot-seul e brusé vit: dla gent giovna, assè pragmàtica, përché a mi a pias la gent pragmàtica, dzortut cola ch'am cissa con soe idèje 'd meud. Ma a në-i è pòca pòca... ufa!

Comsìa i dabzognoma 'd giovo da brusé e da fé s-ciopé ant ën motor a quatr fas. S'i veule fé ij poeta, i l'oma damanca d'almen 100 BHP o i andoma da gnun-a part. E 100 përson-e alfabetisabij scond mi da Esclamazioni as tiro feur. Almen 50, ala pcita dle pcite, vint. Ma che diav, cheicòs as tira feur. I chërd pancor che Piemont a l'é dëgolà ansì tant sossialman e colturalman, dësnò a-i sarìo nianch ij 150 ë "Giovo e Pms".

Donch: Esclamazioni in Pms a l'ha dij nùmer. Ooooh. Lòn a l'ha nen Esclamazioni? A-i é chi ch'a dis ch'l'ha nen la qualità: antlor mi i dëssernërìa la qualità dij contnù da la bontà d'espression. La bontà dij contnù a l'é diciairà balenga, ma i podrìa sité d'esempi ëd ròbe pì seriose e fin-e ch'a l'han bele otnù 'd sucess. Dij dariè temp a venta arconòsse la bontà ch'a l'han pijà sti contnù. La grafìa l'é vnùa bon-a. Pancor da 7, ma da 6 ëd sigura. A l'é pa ch'i son ëd mania larga, dcò përché s'drit ëd dé ij vot a l'é na ròba ch'i son pen-a pijame sensa giustifiché. Ma se mi i don 4 a coj d'Esclamazione aor, che crindo 'd vot a sarìo meritasse dle prime sman-e ch'a l'avìo duvertà? A coj temp a spantiavo 'd grafìe ch'as ruscava a decripté, ch'a smijavo le trascrission an alfabet tigrin dij breugg ëd la vaca Guendalin-a.

I chërd che 'n pass vers la precision ortogràfica a l'é 'n pass ch'a së slontan-a da la decadensa analfabeta dle dariere desen-e. Se peuj sti monsù as pòrto dapress 50 mila përson-e ant sòj progress, lòn deuvne dì? Diso ch'i son pì len. A l'é 'me con ël Papa: se 'l Papa neuv a l'é pì modern, as men-a dapress tuta la cesa ant soa modernità. Sa rivava un gret, broncc e arpròciant, le cese as dësvoidavo ancor pì e ij fondamentalista cristian a potensiavo 'l calìber ëd sòj mitraja-bale. [2] L'é 'n pass nans. L'é pa che dess ël Papa l'é vnù për mì n'antissipator dël progress uman, ma se chiel a romp men le bale, tùit coj ch'a lo séghito , da na mira teòrica, a rompo men le bale.

Feur dla fiamenga metàfora, se Esclamazioni in Piemontese a scriv mej, tùit coj ch'a séghito Esclamazioni in Piemontese maraman a taco a capì la diferensa fra la "ò", la "o" e la "u". Opura (afé dont gnun a smija esse ancorzùsse) a chi ch'a cor drè a Esclamazioni in Pms a vnirà pa pì an ment d'anvente dle neuve grafìe birichinòire ch'a introduvo, a la manera dël crindo, d'acent sirconfless, ëd diéresi s'ëd litre ch'a son nen la "e", ëd ciapostr georgian e v.f.. Vardé la Mincadì vàir a sofca: ij soj ch'a scrivo con la Mincadì a son coj ch'l'han anventala. Esclamazioni in Pms a dòvra nen la Mincadì.

S'as veul soasì oltra ij mur ch'fan rije, a venta batì j'opsion. Mi i l'haj campà lì (sensa nianch presenté mè antent a la democràtica discussion sla Wikipedia) ël mur dla Wikipedia an piemontèis dzor Facebook. I l'haj vdù che la Wikipedia anglèisa all'ha, tanme cola polonèisa e cola bavarèisa. L'haj dit: fomla, a costa nen, la gent a passa sël Facebook mincadì, noi i-j pëssioma da sì për tireje da là, andoa ch'i soma ancamin ch'i foma 'n bel esperiment d'usage àut, académich (e forsa 'n pòch fat) ëd nòsta lenga.

Cheidun dël grup Giovo e Pms a l'ha pensà 'd fé dle cite flecià s'Esclamazioni in Piemontese con dij mëssagi curt e bin scrivù, e dcò costa a l'é n'idèja. A son dle bon-e idèje përchè nopà che fé 'j gnuch sla chestion che 'l prim tentativ a l'é falì miseraman, a preuvo a rivé a l'istess arzultà për n'àutra via. Forsa 'l problema dla falìa dël prim antent a l'era la via. Cangiomla e foma na neuva preuva dël crindo. Scond mi a frutrà.

E peuj, le lagne a gen-o vàire. A gen-o pa mi përsonalman, a mi a dan dòss gnun tabach. Se Gioventura Piemontèisa a sprim soa idèja a soa manera, mi i-jë scoto, mi i aderisso a cola associassion, da pòch, ma i son anscrivù. Ma lòn ch'i fortisso, sonrijend, minca vira ch'i vëddo na neuva complenta, a l'é che ës comportament a produv franch nen; brajé a l'é pa vàire ùtil, nì a serv ch'i lo diso. Së s-ciàira, a l'é motobin ciàir e sbërlusant. I soma pòch. Rasoné mach: se 'n comportament parej a l'ha NEN prodovù ij nùmer ëd tut ës temp ch'a l'é stàit aplicà, a l'é pa sémper da consideré 'n comportament scòmmod ai podej fòrt. A peul bele esse (e a l'é pròpe ës cas-sì), ch'a l'é l'istessa gent comun-a ch'a percepiss ës comportament 'me genant e donch a l'èvita. A ventrìa contnì certe reassion d'achit e sensa sust, che mi i saj mach ciamè "Eclamassion an Taliban".

A sarà che mi i vardo tròp ëd telesserie (nen ver, l'haj gnun temp, a l'é mach introduve lòn ch'i diso dess), ma a mi a pias ël sassin silensios, col ch'a esprim nen soe emossion, col ch'a fa mentre gnun a sa e a presenta l'arzultà cand gnun as lo speta. Col che contut ël faliment inissial, a la fin a mostra a tùit ch'a l'é arsurtì. 'Me? As sa nen, tùit as lo ciamo ancor an sala; ma a smija pròpe che 'l prestigiator a l'ha strompù an doi tòch nòna Elsa ant le cassie, e dess, oltra a avejla butà torna ansema, a l'ha dcò varìje l'ernia discal e a l'ha faje trové pagà la vniente rata dl'IMU.

==Nòte==

[1] Bale 'd tòr! L'é pa n'esagerassion. A l'é lòn ch'i l'haj s-ciairà con sti euj-sì, coj ch'i l'haj ant ij gavass crànich. E a l'era giusta 'l verbal dël rëscontr fra n'aministrator d'Esclamazioni in Piemontese e la vaca Guendalin-a Boé, ant lë stabi 'd monsù Maciorlàit. La vaca ant col moment a dovìa avej la monzitriss ch'a-j ciuciava l'ànima, e a brajava e a brajava, e ij gestor dla notòria muraja ëd Facebook, për dovej ëd crònica dla pì bon-a fasson, a l'haj decidù 'd servisse dl'alfabet trigrin, ch'a l'era 'l sol ch'a coatava 'n bon 40% dla varietà 'd son emëttù da la pòvra bianchin-a.

[2] Con mitraja-bale dla congregassion dij taleban ëd Crist, i parlo 'd cola vejassa dij pro-life ch'a l'era stàita anvità a conferensié an nòsta scòla an disend d'afè parej: ël preservativ, NO! L'abòrt a l'é la prima càusa 'd mòrt ans ël pianèta Tèra! 6 bilion ëd mòrt d'abòrt dij darié 30 agn! Emma Bonin a pistonava feur dle vagin-e ij fet ëd des agn ch'a parlavo e a scrivìo dle motobin deludùe litre ëd grinor për soa maman balordaaa e deviààà! RU486, s'i nòte, a conten ël nùmer dël Bërgniffff!!! 4+8+6=6+6+6!!!!

ITA: Esclamazioni in Talebano

Esclamazioni in Piemontese è una pagina che ha fatto i numeri. Cosa che il piemontese di oggi non ha. Vedo che mancano i numeri nella desolazione della pagina "Ultime modifiche" della Wikipedia piemontese. Vedo che mancano i numeri nella mia voce che risalta decisamente troppo dal coro. E non per la mia voce, ma perché il coro è poco. Non dico che sia un brutto coro. Anzi a me piace. Però è proprio poco, non abbiamo peso elettorale, tanto per capirci. Non capisco come si possa parlare di risveglio delle coscienze ignorando i numeri. Siamo in democrazia. Servono i numeri. Oppure facciamo la Marcia su Torino, che può essere un'alternativa curiosa.

Dunque io non mi dilungherò su quanto Esclamazioni in Piemontese ha fatto bene sui numeri e su quanto sia insensato dal punto di vista logico ignorare e insultare in massa questo bacino. Insegnare ai bambini di 5 anni è molto importante, ma sono un po' come dei pannelli solari: degli investimenti sul lungo termine. Noi adesso abbiamo bisogno di combustibile fossile da pompare su dal sottosuolo e bruciare subito: gente giovane, un po' pragmatica, perché a me piace la gente pragmatica, soprattutto quella che mi strizza con le sue proposte di metodo. Ma ce n'é proprio poca... uffa!

Comunque noi abbiamo bisogno di giovani da bruciare e da far scoppiare in un motore a quattro fasi. Se volete fare i poetici, abbiamo bisogno di 100 BHP almeno o non andiamo da nessuna parte. E 100 persone alfabetizzabili secondo me da Esclamazioni si tirano fuori. Almeno 50, al minimo del minimo, 20. Ma che diamine, qualcosa si tira fuori. Non credo ancora che il Piemonte abbia così tristi situazioni di decadenza sociale e culturale, altrimenti non ci sarebbero nemmeno i 150 di Giovo e Piemontèis.

Dunque: Esclamazione in Piemontese ha i numeri. Ooooh. Cosa non ha Esclamazioni in Piemontese? C'è chi dice che non abbia la qualità. Allora io farei una distinzione fra qualità di contenuti e qualità di espressione. La qualità di contenuti è dichiaratamente balenga, ma posso citare aperture a cose più serie ed eleganti, che hanno pure riscosso successo. Ultimamente bisogna riconoscere che la qualità di espressione di questi contenuti, balenghi e seriosi, è aumentata molto. La grafia per esempio è molto più precisa. Non è ancora da 7, perà un 6 glielo do. E non perché sono bravo, anche perché questo diritto di dare i voti me lo sto arrogando senza alcuna giustificazione. Però se io do 4 a quelli di esclamazioni in piemontese adesso, che voto meritavano le prime settimane che avevano aperto, che condividevano grafie che si faticava a decifrare, che parevano le trascrizioni in alfabeto tigrino dei muggiti della vacca Guendalina [1].

 Io credo che un passo verso la precisione ortografica è un passo più lontano dalla decadenza analfabeta. Se questi signori si portano appresso 50 mila persone nei loro progressi, cosa devo dire? Dico che sono "sollevato". E' un po' come il Papa: se il Papa nuovo è più moderno, si è portato dietro tutta la chiesa nella sua modernità. Se era un gretto bacchettone, a quest'ora le chiese si svuotavano ancora di più e i fondamentalisti cristiani aumentavano il calibro dei loro mitragliapalle [2]. E' un passo avanti. Non è che adesso il Papa è diventato per me un anticipatore del progresso umano, però se lui rompe meno le palle, tutti quelli che lo seguono, a livello teorico, rompono meno le palle.

Fuori della bellissima metafora, se Esclamazioni in Piemontese scrive meglio, tutti quelli che seguono Esclamazioni in Piemontese magari inizieranno a capire la differenza fra la "ò", la "o", e la "u". Oppure (cosa di cui nessuno pare di essersi accorto) a chi segue Esclamazioni in Piemontese non verrà in mente di inventare nuove grafie birichinòire che introducono a cazzo accenti circonflessi, dieresi su lettere che non siano la e, scarabocchi georgiani e via dicendo. Si guardi la Mincadì quanto è soffocata: gli unici a scrivere con la Mincadì son quelli che l'hanno inventata. Esclamazioni in Piemontese non usa la Mincadì.

Comunque sia, se si vuole un'alternativa alle pagine che fanno ridere, bisogna costruirle. Io ho buttato lì (senza neanche prima spiegare bene le mie intenzioni in un democratico processo decisionale sulla Wikipedia), la pagina della Wikipedia in piemontese su Facebook. Ho visto che la Wikipedia in inglese ce l'ha, la Wikipedia polacca e la Wikipedia Boarische (quella austro-bavarese) ce l'hanno. Ho detto: facciamola, non costa niente, la gente passa su Facebook tutti i giorni, noi li pinziamo su Facebook e li attiriamo di là, dove si costruisce il piemontese standard e dove si fa un bell'esperimento di uso alto, accademico (e forse un po' insipido) della nostra lingua.

Qualcuno del gruppo Giovo e Piemontèis ha pensato di fare piccole brecce su Esclamazioni in Piemontese con messaggi brevi e scritti bene, e anche questa è una buona idea. Sono buone idee perché invece di intestardirsi sul fatto che il primo tentativo è fallito miseramente, provano a raggiungere lo stesso risultato con un nuovo metodo. Forse il problema del primo tentativo era il metodo. Cambiamo metodo e facciamo un cazzo di nuovo tentativo. Secondo me questi nuovi tentativi, porteranno i loro frutti.

Anche perché i lamenti continui sono fastidiosi per molti. A me personalmente non danno fastidio. Se Gioventura Piemontèisa esprime la sua opinione alla sua maniera, io li ascolto, io sono iscritto a quell'associazione, da poco, ma sono iscritto. Però quello che ribadisco, sorridendo, ogni volta che vedo una nuova lamentela, è che questo comportamento è improduttivo; urlare non è molto utile e non serve a un tubo che io lo dica. Si vede, è chiarissimo, è evidente. Siamo pochi. Un comportamento che non produce numeri non è sempre da considerarsi un comportamento scomodo ai poteri forti. Può anche essere (ed è proprio questo il caso) che sia percepito come comportamento fastidioso dalla stessa gente comune e quindi evitato. Bisognerebbe contenere certe reazioni impulsive e prive di senso, che io non so in che altro modo definire se non Esclamazioni in talebano.

Sarà che io guardo troppi telefilm (non è vero, non ho tempo, è solo per giustificare quel che sto per dire), ma a me piace il sicario silenzioso, quello che non esprime quasi nessun sentimento, quello che fa le cose all'insaputa di tutti, quello che presenta il risultato quando nessuno se l'aspetta, quello che nonostante il fallimento iniziale, alla fine mostra a tutti che ci è riuscito. Come? Non si sa, ancora tutti se lo stanno chiedendo in sala; ma pare proprio che il prestigiatore abbia segato in due nonna Elsa nelle casse, e adesso oltre a ricomporla le ha pure curato l'ernia al disco e le ha abbonato la prossima rata dell'IMU.

==Note==

[1] Le balle di toro! Non è un iperbole di un tubo. E' quello che ho visto con questi stessi occhi che ho nelle apposite cavità craniali. Ed era esattamente il verbale dell'incontro fra un amministratore di Esclamazioni in Piemontese e la vacca Guendalina Boero, nella stalla del signor Macchiorlatti. La vacca in quel momento doveva avere la mungitrice che le succhiava l'anima, e urlava e urlava, e i gestori della nota pagina FB hanno deciso di ricorrere all'alfabeto tigrino, che era l'unico che copriva un buon 40% della gamma sonora emessa dalla povera bianchina.

[2] Per mitragliapalle della congregazione dei talebani di Cristo intendo quella vecchia dei pro-life che era stata invitata nella nostra scuola a dire cose come: il preservativo, NO! L'aborto è la prima causa di morte nel mondo! 6 miliardi morti d'aborto negli ultimi 30 anni! Emma Bonino stantuffava fuori dalle vagine i feti di 10 anni che parlavano e scrivevano delusissime lettere d'amore per la loro mammabbastarda! RU486, se ci fate caso contiene il numero del DIMONIOH, 4+8+4=6+6+6!!!!

Fiamengh esemplar ëd na spece_Superbo esemplare di specie

PMS: Fiamengh esemplar ëd na spece

Fiamengh esemplar ëd na spece
gnicà dal neir vaghé, dandinà,
e posà, ma as sa nen su che riva
su che islòt, su che rusij 'd pianeta
i sai nen ëd col univers a l'é-lo.
I sai pa antè ch'i son perdume.

¿An col moment l'é-la frapasse mia testa
e i l'haj scrivù sossì?

Ant l'àtim dël consum ëd n'amor stéril
argiojiend la dròla sèira
quand ch'a luso parèj dj'autre
sna spiagia 'd còla nèira
dle steilin-e sensa sens:

cole dont ël sens l'è la colpa.

ITA: Superbo esemplare di specie

Superbo esemplare di specie
uccisa da una nera marea, cullata,
spiaggiata non si sa su quale costa
su quale isola, su quale torsolo planetario
non si sa neanche di quale universo.
Non so dove mi sono perso.

In quale momento mi è girata la testa
e ho scritto queste parole?

Nel momento del consumo di un amore sterile

godendone la strana sera
in cui brillano come le altre
su una spiaggia di colla nera
le stelle senza senso:
Quelle il cui senso è la colpa.

Lession 2 - Stagion dl'ann e dì dla sman-a

Sta lession a l'è franch TRÒP sempia. La vnienta a l'avrà da esse motobin pi grama! Òj

E s'av fa sfrèj mè prodòt, déje na scotà a col ëd n'àutr, ma nen n'àutr a asar... ës bonòm-sì:

Socrol_Scrollone

PIEMONTEIS: Socrol

 L'haj n'inmaginassion realistica. E a l'è lòn ch'a më sfrosa. Përché cand t'l'has n'inmaginassion fantasiosa, tut a sghia seuj. Al pì at ciapa la ment e it dësmonte dal tranvaj na fërmà dòp. Al pì t'deprime përché j'unicòrn a sisto franch pa e ij gnòm a sisto e a pijo la pension dj'anvalid.

Ma cand n'inmaginassion l'è realistica, l'è alucinògëna. N'afè ch'it ses ancamin ch'it inmagine con ij pcit detaj e ch'at pias fòlman, e ch'at mossion-a. At ven poprè facil chërde d'avejla dnans j'euj già realisà. E peuj at dlud cand it realise che realman l'era realistica ma nen real. I us nen scuseme pr'ij gieugh ëd mòt.

Ma l'è nen nomach na dlusion. Cand it chërdè che n'afè a sist dëgià përché a sist an toa ment da 'd temp e peuj it preuve a ciapela e it ciape d'aria, a sauta feur dcò n'aut afè. L'argret. Già, përché col afè a PEUL esse realisà. Antlor përché mi l'haj PANCOR realisala? I deuv felo. Ma i l'haj 'l temp? L'haj l'ocasion? Saj fela? Përché da savej 'me l'è fait cheicòs a savejlo fè -i è 'n gròss trat.

Vita l'è lòn ch'an capita mentr i soma ocupà con d'aut proget. (J.Lennon/A. De Mello/A.Einstein/G.Magalli/P.Baudo/M.Boldi, sta sitassion l'è nen atribuibil, përché 'me a disìo j'antigh latin, verba volant e sta sì l'han pa scrivula për temp.)

E parej, a sarà për l'anvìa d'vive, o për l'anvìa d'fè 'd proget ch'a vniran nivitabilman ostacolà da la vita, ma i l'haj provà a fè cheicòs.

Ma mi i l'avìa falo për colpa dël sens ëd colpa. I us nen scuseme pr'ij gieugh ëd mòt.

Cand it fas cheicòs mach përché -i'è 'n sens d'argret ch'at anvad fin-a ch'it la fas nen, d'sòlit it veule nen avej d'aute conseguense oltra 'l fait d'avej ramassà via l'argret causà da l'agì nen. Donch dess am capita cheicòs ch'i l'avìa già scrivù, stampà e stërmà da cheich part ant mej archivi, ma i sperava 'd dovejlo nen arpeschè.

Am capita soens dë sperè fin-a 'l dariè istant che n'at l'ha pa 'd conseguense. Ma peuj, a-j ha.

E j'idee dròle, 'me cla 'd "butè 'l mostass ma nen tròp", a son socrolà përché a l'han ël sens ch'i l'haj NEN daje ant la realtà, nen ël sens ch'i-j dasìa ant l'inmaginassion. Butè d'aut corage l'è afè tut da vdì. Paradossalman l'avìa publicalo përché i vorìa ch'a restava për mi. E dess che la gent a lo vëdd,mi i vëdd già tut degenerà. Avej fait cheicòs për la causa am pon già a 'n livel diferent da j'aut? Se òj i detestrìa tut fin-a a dësfelo. I arfudo minch ën mert.

Mè sol mert sarà esse copià. A-i è na granda causa për na lenga e i-i seve voi. Voi felo, ma nen për la causa, për voi. E a spariran ij mostass. A sparirà 'l giudissi provinsal, ël rizgh dël zagaj dle ciaramlere dël paisòt, ch'an veul mòrt përché i parloma italian malvolentè. I saroma na "SITÀ" con ëd përson-e sensa fama ma pien-e d'idee e savej.

I chërd ëd dovej socroleme ant ël bornel.

ITALIAN: Scrollone

Io ho immaginazione realistica. Ed è quella che mi frega. Perché quando hai un'immaginazione fantasiosa, tutto fila liscio. Al massimo ti fai prendere e scendi dal tram alla fermata dopo. Al massimo finisci in depressione perché gli unicorni non esistono e gli gnomi esistono e prendono la pensione d'invalidità.

Ma quando un'immaginazione è realistica, è allucinogena. Una cosa che ti stai immaginando nei minimi dettagli e che ti piace da matti, e che ti sta emozionando. Ti viene quasi facile credere di averla davanti agli occhi già realizzata. E poi ti delude quando realizzi che era realistica ma non reale. Non uso chiedere scusa per i giochi di parole.

Ma non è soltanto una delusione. Quando una cosa credi esista già perché esiste nella tua mente, e poi cerchi di afferrarla e afferri aria, salta fuori anche un'altra cosa. Il senso di colpa. Già, perché quella cosa PUÒ essere realizzata. Allora perché io NON l'ho ancora realizzata? Devo farlo. Ma ho tempo? Ho occasione? So farla? Perché dal sapere come è fatta una cosa a saperla fare ce ne passa.

La vita è quella cosa che ci accade mentre siamo occupati in altri progetti (J.Lennon/A. De Mello/A.Einstein/G.Magalli/P.Baudo/M.Boldi, questa citazione è inattribuibile, perché come dicevano i latini, verba volant e questa non l'hanno scritta in tempo)

E così, sarà per la voglia di vivere, o per la voglia di fare progetti che verranno inevitabilmente ostacolati dalla vita, ma ho provato a fare qualcosa.

Ma io l'avevo fatto solo per colpa del senso di colpa. Non uso chiedere scusa per i giochi di parole. Quando fai una cosa solo perché c'è un senso di rimorso che ti pervade finchè non la fai, di solito non vuoi che abbia altre conseguenze oltre al fatto di aver spazzato via il senso di colpa dovuto all'inazione. Quindi ora mi ha investito qualcosa che avevo già scritto, stampato e messo da qualche parte dei miei archivi, ma speravo di non doverlo ripescare.

Mi capita spesso di sperare fino all'ultimo che un'atto non abbia conseguenze. Poi però, le ha.

E le idee strane, come quella di "metterci la faccia ma non troppo", vengono scrollate perché hanno il senso che NON gli ho dato nella realtà, non il senso che gli davo nell'immaginazione. Metterci altro coraggio è una cosa tutta da vedere. Paradossalmente l'avevo pubblicato perché rimanesse fra me e me. E ora che la gente lo vede, io vedo già tutto degenerato. Aver fatto qualcosa per la causa mi pone già a un livello diverso dagli altri? Se così fosse detesterei tutto tanto da disfarlo. Declino ogni merito.

Il mio unico merito sarà quello di essere copiato. C'è una grande causa per una lingua, e ci siete voi. Voi fatelo, ma non per la causa, per voi. E spariranno i volti. Sparirà il giudizio provinciale, il rischio del cinguettio delle chiacchierone di paese, che ci vuole morti perché parliamo italiano malvolentieri. E saremo una "CITTÀ" con persone senza fama, ma piene di idee e conoscenza.

Credo di dovermi scrollare sotto la doccia.

Schilibrà contra 'l progress_Squilibrati contro il progresso

PIEMONTEIS: Schilibrà contra 'l progress

E torna. Dess ch'i l'haj sentùlo për la vira nùmer doj, im pronto sì 'n bel bran ch'i cantraj al vnient. Al vnient ch'a dis: j'esplorassion spassiaj a son nen mè maitass. Nopà che spende tut col dnè për mnè la vita dzor Mart, ch'a penso a arzòlve ij problema sì sla Tera.

Vardeje. Lor sì a son coj ch'a penso: "Perché serchè l'eva dzor Mart quand a-i è oferta special a l'Esselunga?"

La gent ch'a pensa con la pansa. Ma che a l'istess temp l'ha doe panse: na pansa cossienta e na pansa sotcossienta. Con cola sotcossienta a fan ij consumè fòj, a mangio 'me 'd crin, a fan d'gir anutij con soe viture sgasante, a fossairo l'òrt për fesse la pissin-a e a cangio telefonin minca 'n meis. O a seugno 'd fè tut sòn. Peuj a-i è la pansa cossienta, la sola pansa ch'as vanta d'rasonè 'me 'n sërvel, ma pròpe 'me 'n ver sërvel, co'j dendrì e j'asson. Sta pansa cossienta a produvrà d'rasonament ch'a smijo 'n mëscc fra Associassion Wakawaka pr'ij pòver d'Africa e Alessandra Mussolini Show.

Lòn i antendo con sòn? Sòj tema a son perfetman bonist e maj as calërìo a seurte dal trion dla përson-a dabin. Tutun sòj tema a veulo dcò esse sprimù con la scetëssa 'd n'òm comun, ëd n'òm co'j pè bin piantà ant ël seul e la ment a la veja manera che maj a delud. Tanme 'n carabinié, che dcò s'a l'é nen ën litrà a arpresenta istess la "figura dël savi" ch'as sacrifica eròich sl'autar, mincadì.

Donch mi i son gram s'i diso ch'i son contra l'egalitarism, mach përché i l'haj capì la diferensa fra egualiansa e egualitarism. (*) Donch s'i diso che lor l'han na concession dël mond contra ambission, lor a më sciairo 'me un ch'a arfuda ij pì ovios plint dl'univers.

Se n'italian d'ancheuj a ven a dime che l'Italia l'è 'n pais pien ëd problema e dësechilibri, prima che tut ch'a contròla sò stil d'vita e peuj ch'a varda vaire a produv, dzortut ant ël camp ëd l'antlet. A vëddrà tut lë schilibri ch'a batiss coj problema e coj dësechilibri. L'è tanme un ch'a dis: varda varda! La bola a pend tuta a drita: l'ass l'è stòrt, venta drisselo. Ouh cretin: pòsa cla bola e bogëla panen con toe manasse.

Cand ën fiap contraprogressist a fa soe precie l'è në slandent pòpolist contemporani ch'a promet la distribussion dij bin a la brava gent sudà e sacrifià. Praticman për giustifiè che chiel s'ampiniss la pansa a ven a dì a mi ch'i deuv pì nen sostnì le splorassion spassiaj për dvòlve coj sòld ai pòvr ch'a peulo nen ampinisse la pansa 'me chiel.

Monsù e Madame, dess i fon dcò doe citassion dal cristianism. Papa Gian XXIII a disìa ch'as mangia për vive, s'viv nen për mangè. Sant Paul nopà a l'era ancor pì solemn: chi a travaja nen, ch'a mangia nianch! Mi ivë stermo nen che ste fras am ten-o streit da cand i l'haj amparaje da cit al catechism e da antlor am causo nen ëd pòch regret, oltra a esse la bas teòrica 'd mè concret òdi vers ij fingard e 'd mè scars peis ëd còrp. Ok, marman l'è nen ël massim për mi ch'im antresso pì nen an gnun fasson a l'arligion da cand i l'haj studià Ernst Blӧch, ma 'l fait a l'è ch'i l'haj maj sentù 'd dëscute ste doe fras.

Comsìa , sta përsentual ëd fiap obeis a l'è la pesor spece d'ossidental. Përché l'ossidental (o l'indian: http://www.ilmessaggero.it/TECNOLOGIA/SCIENZA/india_missione_marte_low_cost/notizie/349819.shtml) nerd ch'a së sbat ij cojon dij moret ch'a meuiro d'fam e ch'a guerna në stil ëd vita aut, ma ant l'istess temp a së sbat mincadì produvend ën valor antletual bilion ëd vire superior a col ch'a produvo mila moret afamà, a resta n'ent uman R:ESGURDEIVOL.

Nopà n'ossidental ch'a consuma mincadì 50 liter ëd benzin-a, a sgaira 20 feuj ëd papè, a mangia doe cotlëtte e a beiv tre café e a l'ha avù gnanca n'idèja ant le vintequatr ore e a la fin dle vintequatr ore a sa tanme prima, COL l'è në sgair.

E st'uman ch'as sent colpos përché a l'ha dëscorvù për vie traverse che senten-e 'd milion ëd terestr con soa istessa mzura antletual (dcò përché lorsì a l'han nen arseivù n'istrussion 'mé la soa) a mangio tre stej ëd seler për dì e a meuiro a 23 ann. Dcò chiel l'avrìa fait l'istessa fin s'a nassìa an Eritrea. D'sòlit a armersia gnanca për sòn. Ma quand con la pansa cossienta a realisa soa fortun-a, as ciama an efet: përché mì òj e coj povrass nò?

L'è lòn ch'im ciamo, mi dcò. Përché lor òj e ti fingardass nò?

D'vàire giovo fin-a 'j 90 ann a son ëd farf Neet ch'a speto mama passaròta ch'a-j pòsa 'n gianin ant sò crind ëd beich, mincadì. E mama passaròta, mincadì, a-j lo pòsa. A lo fa përché sciairé a cà toa, dzora toa prera, ën cit sufrinè ch'a l'è ancamin ch'a meur mentre ti t'masle 'n pito da Dì dl'Armersiament, a sfigura e at fa sente cruel. Contut le përson-e produvente a son staite educà a esse nen sadiche con cole inproduvente. Dcò përchè j'inproduvent peuj at buto contra ij sindicà e a fan tròpe, tròpe stòrie për esse suportà da toe orije.

Quand nopà lë stat d'inproduvensa total as manifesta ant la categorìa dij Neet, as passa a contè che ij Neet a son ëd Neet përché -i'è pa 'd travaj. A venta caresseje 'me 'd ciatin, pòver diav, lor a travajërìo co'l sudor dla front se mach a podrìo. Bale. Lese sòn, antant l'italian i lo seve: http://www.keinpfusch.net/2013/10/gli-inoccupabili.html

Ij Neet a son ëd Neet përchè sò sol pensé l'è col ëd mangè la pizza e andé an disco 'l saba d'seira. A anpòrta nen che ocupassion ebdomadaria a-j è staita afidà: a sarà mach l'agònich coridor ch'a conduv al fin dla sman-a, da traersè pì passivman ch'as peul përché minch në sfòrs ëd sërvel a l'è considrà genant . Tan genant 'me cand it ses lì bel al caud d'ën potagè e a riva 'n gioglaron ch'at aossa 'l pyle sla schin-a e a-jë sgnaca contra 'd bolon ëd giassa. Teribilman genant për tòj corpuscoj 'd Krause.

Donch realman, se lor a ven-o a dime ch'a son pront a arnunsiè a le splorassion spassiaj, l'è mach përché:
1) Dapòst ch'as son sterij e anproduvent, con tut lòn ch'a consumo, as sento colpos mersì a na pansa cossienta ch'a pretend d'esse considrà 'n sërvel. 

2) Disend ai produvent che col ch'a fan a serve nen, a preuvo a dì che a la fin l'ossident antregh l'è 'n sircol dë sgairon fingardon garg vërgnach tanme lor.
3) Lor a considro dnè sgairà col nen spendù për sodisfè jë bzògn d'ancheuj, përché cola ch'a l'han a l'è na pansa sbaruvà d'restè veuida.

Cand j'ebrè l'han dit a Antonej ëd costruvì për lor na neuva sinagòga, a podìo lassè stè, dè coj sòld ai pòvr. E ancheuj lòn i l'avrìo avù? Nient. Antlor mila përson-e a sarìò sfamasse, ma ancheuj a-i sarìa nen la Mòl. A l'avrìo anpinì le panse, ma a l'avrìo nen spërmù ij sërvej për rëttè la strotura 'd mon pì aota sla Tera. Chi ancheuj a dis ch'a serv nen fè le splorassion spassiaj mach përché a l'è n'anvestiment a bin longh term e chiel përsonalman a në gòdrà nen, a l'è nen mach tus, ma dcò 'n pòch farisè. Dzortut cand a buta ant ël mes ij povròt d'Africa.

Donch: a-i è chi a sa produve blëssa, batì d'oget, d'angign, ëd veicoj, dë stroture anpressionante, a-i è chi a sa organisè e fè fonsionè 'd sistem, ëd logistiche e 'd bogiment bin compless. E a-i chi a lo sa pa fè. Fra lor sì ch'a lo san nen fè, cheidun a tas, a mira e as fa disponibil, cheidun d'aut nopà a fan ij savi dispensator ëd bale. A dëspressio 'l travaj dj'aut, a diso che tut l'e anpossibil. O ancor a preciairo la precedensa dla pansa sël sërvel dëdnans ën publich ëd panse sensa sërvel.

Nò. M'antressa nen la bon-a fej. Ël sërvel a l'han valor pì grand che minch n'aut afè. La tension dla curiosità l'è un-a dle pì grande qualità dl'òm. Marman la pì granda. Pì granda che l'amor, përché l'amor a peul esse gelor, a peul esse grios e via fòrt. La curiosità nopà l'è n'amor andistint për tut lòn pancor conossù. La curiosità a sclud ël concet d'òdi përché s'it ses curios a l'andi it òdie nient e gnun. Prima che tut it lo analise. Peuj e mach peuj it podras dcò detestelo.

E dòp che doi o tre contraprogressist co'j pè reisà ant ël seul ch'a confondo la mediocrità con la modestia a son capitam dnans ël mus, l'haj analizaje. E dess i peul dcò detesteje.

Sla Tera e ant lë spassi a-i son d'afè bin pì antressant (e conòmiche) che mantnì voi.

(*) Egualiansa a veul dì dè a tuit j'istess dovej e j'istesse libertà. Egualitarism a veul dì che tuit a deuvo avej pì o manch ël midem livel ëd vita. Oviosman peuj an Italia as ampòsta l'idea 'd livel ëd vita a 'n pont mez-aot, scond che tuit a dovran podej avej na crossera për an, na vitura 'd segment C, la sin-a an pizzerìa na vira për sman-a e 'n bel telefon trendy.

ITALIAN: Squilibrati contro il progresso

E ridajje. Adesso che l'ho sentito per la seconda volta mi preparo qui un bel brano che decanterò al prossimo. Al prossimo che dice: le esplorazioni spaziali non sono prioritarie. Invece di spendere tutti quei soldi per portare la vita su Marte, pensino a risolvere i problemi qui sulla terra.

Eccoli. Questi sono quelli del "Perché cercare l'acqua su Marte quando è in offerta all'Esselunga?"

Le persone che pensano con la pancia. Ma che allo stesso tempo hanno due pance: una conscia e una subconscia. Con quella subconscia loro fanno i consumatori pazzi, mangiano come maiali, fanno giri a vuoto con le loro macchine sgasanti, si scavano l'orto per farsi la piscina e cambiano cellulare ogni mese. O sognano di fare tutto questo. Poi c'è la pancia conscia, l'unica pancia che si vanta di ragionare come un cervello, e proprio come un cervello vero, con i dendriti e gli assoni. Questa pancia conscia produrrà ragionamenti che sembrano un misto fra Associazione Wakawaka per i poverelli d'Africa e Alessandra Mussolini Show.

Cosa intendo per questo? I loro argomenti sono perfettamente buonisti e mai oserebbero uscire dal recinto della persona perbene. Però i loro argomenti vogliono anche essere espressi con la schiettezza di un uomo comune, di un uomo terra terra con i piedi saldi e la mentalità vecchia maniera che non delude mai. Come un carabiniere, che anche se non è un letterato rappresenta comunque "la figura del saggio" che si sacrifica eroicamente sull'altare della quotidianità.

Quindi se io dico che sono contro l'egualitarismo, perché semplicemente ho capito la differenza fra uguaglianza ed egualitarismo, sono cattivo. (*) Quindi se io dico che loro hanno una concezione del mondo al ribasso loro mi vedono come uno che rifiuta le più rudimentali ovvietà dell'universo.

Se un italiano di oggi viene a dirmi che l'Italia è un paese pieno di problemi e disequilibri, innanzitutto controlli il suo tenore di vita e poi guardi quanto produce, soprattutto a livello intellettuale. Vedrà tutto lo squilibrio che crea quei problemi e quei disequilibri. E' uno che dice: guarda guarda! La bolla è tutta a destra.  L'asse è storto, bisogna raddrizzarlo. Ouh cretino: appoggia quella bolla e non muoverla con le tue manacce.

Quando un flaccido antiprogressista fa le sue prediche è un lurido populista contemporaneo che promette la distribuzione di beni alla brava gente sudata e sacrificata. In pratica per giustificare il fatto che lui si riempia la pancia viene a dire a me che non devo sostenere le esplorazioni spaziali per devolvere quei soldi ai poveri che non possono riempirsi la pancia come lui.

Signori e Signore, adesso faccio anche due citazioni dalla cristianità. Papa Giovanni XXIII diceva che si mangia per vivere, non si vive per mangiare. San Paolo invece era ancora più perentorio: chi non lavora neppure mangi! Non vi nascondo che su di me queste frasi fanno una certa presa fin da quando le ho imparate da piccolo al catechismo e da allora mi causano non pochi sensi di colpa, oltre ad essere la base teorica del mio concreto odio verso i cazzari e del mio scarso peso corporeo. Ok, forse non è il massimo per me che non mi interesso più in alcun modo di religione da quando ho studiato Ernst Blӧch, ma non mi sono mai sentito di discutere queste due cose.

Comunque sia, questa percentuale di flaccidi obesi è la peggior specie di occidentale. Perché l'occidentale (o l'indiano: http://www.ilmessaggero.it/TECNOLOGIA/SCIENZA/india_missione_marte_low_cost/notizie/349819.shtml) nerd che se ne sbatte il cazzo dei negretti che muoiono di fame e che conserva un tenore di vita alto, ma allo stesso tempo si sbatte ogni giorno producendo un valore intellettuale bilioni di volte superiore a quello che producono 1000 negri affamati, resta un umano RISPETTABILE.

 Invece un occidentale che consuma ogni giorno 50 litri di benzina, spreca 20 fogli di carta, mangia due bistecche e beve 3 caffè e non ha avuto una sola idea nell'arco delle 24 ore e alla fine delle 24 ore ne sa quanto prima, quello è uno spreco.

 E questo umano si sente in colpa perché è venuto a sapere per vie traverse che centinaia di milioni di terrestri con il suo stesso spessore intellettuale (anche perché costoro non hanno ricevuto un'istruzione come la sua) mangiano tre gambi di sedano al giorno e muoiono a 23 anni. Anche lui avrebbe fatto la stessa fine se fosse nato in Eritrea. Di solito non dice neanche grazie per questo. Ma quando con la pancia conscia realizza la sua fortuna, si chiede effettivamente: perché io sì e tutti quei poveracci no?

E' quello che mi chiedo anch'io. Perché loro sì e tu no?

Innumerevoli giovani fino ai 90 anni sono sciocchi Neet che aspettano mamma passera che gli posa un vermicello nel loro cazzo di becco, ogni giorno. E mamma passera ce lo posa, ogni giorno. Lo fa perché vedere in casa tua, sul tuo marciapiede, un piccolo fiammiferaio che sta per morire mentre tu sgozzi ogni giorno un tacchino da Ringraziamento, sfigura e ti fa sentire crudele. Le persone produttive però sono state educate a non essere sadiche con quelle improduttive. Anche perché gli improduttivi poi ti mettono contro i sindacati e fanno troppe, troppe storie per essere sopportati dalle tue orecchie.

Quando invece lo stato di improduttività totale si palesa nella categoria dei Neet, si passa a raccontare che i Neet sono Neet perché non c'è lavoro. Bisogna accarezzarli come dei gattini, poveri diavoli, loro in fondo lavorerebbero con il sudore della fronte se solo potessero. Queste sono facili cazzate. Leggete: http://www.keinpfusch.net/2013/10/gli-inoccupabili.html

I Neet sono Neet perché il loro unico pensiero era ed è quello di mangiare la pizza e andare in disco il sabato sera. Qualsiasi occupazione settimanale sia mai stata loro assegnata era ed è nient'altro che l'agonico corridoio che conduce al weekend, da attraversare nel modo più passivo possibile perché qualsiasi sforzo cerebrale è considerato fastidioso come quando stai bene al calduccio di un putagè e arriva un simpaticone che ti solleva il pyle sulla schiena e ci schiaccia contro delle zollette di ghiaccio. Terribilmente fastidioso per i tuoi corpuscoli di Krause.

Quindi in realtà, se loro vengono a dirmi che sono pronti a rinunciare alle esplorazioni spaziali, è solo perché:
1) Essendo sterili e improduttivi nonostante quello che consumano, con una pancia conscia che sembra quasi un cervello si sentono in colpa.
2) Dicendo ai produttivi che quello che fanno non serve, provano a dire che alla fine l'occidente intero è un club di spreconi fancazzisti come loro.
3) Loro considerano soldi buttati quelli non spesi per soddisfare i bisogni di oggi, perché la loro è pur sempre una pancia che ha paura di restare vuota.

Quando gli Ebrei hanno detto ad Antonelli di costruire per loro una nuova sinagoga, potevano lasciar perdere, dare quei soldi ai poveri. E oggi cosa avremmo ottenuto? Nulla. All'epoca mille persone si sarebbero sfamate, ma oggi non ci sarebbe la Mole. Avrebbero riempito le pance, ma non avrebbero spremuto i cervelli per erigere la struttura in laterizio più alta al mondo. Chi oggi dice che non serve fare le esplorazioni spaziali, solo perché è un investimento a lunghissimo termine e lui personalmente non ne godrà, non è solo ottuso, ma anche un po' fariseo. Soprattutto quando mette di mezzo i poverelli d'Africa.

Insomma: c'è chi sa produrre bellezza, costruire oggetti, apparecchi, veicoli, strutture impressionanti, c'è chi sa organizzare e far funzionare sistemi, logistiche e movimenti molto complessi. E c'è chi non lo sa fare.  Di questi che non lo sanno fare, alcuni tacciono, ammirano e si mettono a disposizione, altri invece, fanno i saggi dispensatori di cazzate. Svalutano il lavoro altrui, dicono che tutto è impossibile. Oppure predicano la priorità della pancia sul cervello di fronte a un pubblico di pance senza cervello.

No. Non mi interessa la buona fede. Il cervello ha un valore più alto di ogni altra cosa. La tensione della curiosità è una delle più grandi qualità dell'uomo. Forse la più grande. Più grande dell'amore, perché l'amore può essere geloso, può essere capriccioso e via dicendo. La curiosità invece è amore indistinto per qualsiasi cosa sconosciuta. La curiosità esclude il concetto di odio perché se sei curioso non odi niente e nessuno a priori. Prima di tutto lo analizzi. Poi e solo poi potrai anche detestarlo.

E dopo che due o tre antiprogressisti terra terra che confondono la mediocrità con la modestia mi è capitato davanti al muso, l'ho analizzato. E ora posso anche detestarlo.

Sulla Terra e nello spazio ci sono cose molto più interessanti (ed economiche) che mantenere voi.

(*) Uguaglianza vuol dire dare a tutti gli stessi obblighi e le stesse libertà. Egualitarismo vuol dire che tutti devono avere più o meno lo stesso tenore di vita. Ovviamente in Italia si imposta l'idea di tenore di vita a un livello medio-alto, ovvero quel livello per cui tutti devono potersi permettere una crociera all'anno, una macchina di segmento C, la cena in pizzeria una volta a settimana e un bel telefono trendy.

Lession 1 - La famija an piemonteis

I sarai prest pront con n'àutra lession, s'i cherdrai ch'l'è vnùa finalment pi decenta che costa-sì. Mersì s'i la scote. Simon.

Con lòn ch'i preuv

Con lòn ch'i preuv

Con lòn ch'i preuv i batirìa 'd sità
e i frandrìa d'asternav ch'a vòlo a Mart.
con lòn ch'i preuv i asfautërìa le strà,
posrìa d'infodorsaj fra'j bas dij pess.
Ma lòn ch'i preuv as mostra mach n'antrap
për lòn ch'a resta ëd mè vorej e antress.

I preuv e i arpreuv, im drògo d'energìa
për esse fòrt, dësvij, eletrich, ma
al còst ëd rende tut inconcludent,

'me j'òm d'ancheuj ch'a sgairo 'l temp pressios
grufiand ij sens tra 'd tòch d'polistireul
tra 'd caviass biond e d'erba sëcca e frusta
a l'ombra 'd gris bindej d'bitun nissos
e peuj, bassà la zip, as calo a meul
drinta n'adoss dont l'eva anflà a dësgusta.

Revé a l'è afè da debij e fiap dëstrat;
ma a serv ancor për fene restè uman.

Con quel che provo

Con quel che provo vorrei costruire città
lanciare astronavi che portano vita su Marte.
Con quello che provo vorrei asfaltare le strade
e calare dorsali informatiche fra i baci dei pesci.

Ma quello che provo si dimostra solo un intralcio
per quello che resta della mia volontà e interesse.

Io provo e riprovo, mi drogo di energia
per essere forte, sveglio, elettrico, ma
al costo di rendere tutto inconcludente.

Come gli uomini di oggi che sprecano il tempo prezioso
divorando i sensi fra i pezzi di polistirolo
fra capelli biondi e erba secca e rovinata
all'ombra di nastri grigi di cemento armato livido
e poi, abbassata la cerniera, si calano a mollo
dentro fontane la cui acqua sporca disgusta.

Fantasticare è una cosa per deboli, flaccidi distratti;

ma serve ancora a farci restare umani.