Vagon_Vagoni

PIEMONTEIS: D'vagon

Mentr j'amis ëd Gioventura Piemonteisa së sparo na flagelassion e na santa Eucaristìa intravenosa, mi i vorërìa parlé 'd cheicòs streit piemonteis. I parloma nen tant dla teorìa dël flogist o dla Sacher Sudari, chè cola a l'è fufa putressenta. Im calerìa a sganfé dcò la storiòta che Lamàrmora a provava ij cavaj ant ël Tesin e a vendìa për pòch ai baròt dla zòna coj a che a j'intrava l'eva ant ël darè, pòch adat a avejla peuj ant ël cul da reclutà. Sà, dlongh dess i scrivraj 'd cheicòs ch'l'è vreman mojì ant la bagna cauda, consumà ant ël limon 'me 'd carn albeisa, sbërgnacà con soa piemonteisità 'me n'amaret ëd Mombaruss për prontè 'n bonet. Cheicòs fricassà, bujì e peuj mëscià. Cheicòs cimanà fra 'j mon ëd Superga, anchërnà an tute le sitadele, arspirà da minca na vaca dël pòst, fotsintetisà da minca na stòlida erbassa anfasta, arfletù da minca na fiapa pera 'd Luserna.

La spece d'òm local. Cla massa 'd sumie ch'a pòpolo con na densità semper pì auta dzortut j'aree temperà dël pianet e donch l'han nen sparmià 'l sirvan Piemont. Cla massa 'd sumie ch'a marcio arlogh le brue dle provinsaj, con le sisie marse. Cle maraje d'idiòt co'j dilatator d'orije ch'a fan four-cross an senter. Coj carniver e coj gòrb rivolussionari. Tuit a men-o nans soa arvlussion, soa arbelion, soa gnucarìa. A l'han n'idea belissima 'd soa vita. Grand Theft Auto: a-i sarìa da ciamè a lorsì, what's left, picio? E peuj a-i son coj ëd Cà&Cesa, talman genant e talman badòla (1); mach con n'autr arzultà.

Ilo fon dess. Scrit s'es blogh antè i parlo reidman sol, visadì co'l pì grand dot ëd sociologìa ch'i conòsso. M'antressa nen se cheidun a pontrà mia alterigia, mè ëvnì solengh, mè eventual ma nen necessari sens ëd colpa pr'avej nen sërcà 'd cheuje le masse ant na Jihad ëd salvëssa, ant n'arvlussion democratica. I podrìa, vorend, tratè 'n bon numer ëd përson-e 'me 'd moleja 'd pan fra 'j dij, 'me 'd pongh për cit. L'è pien ëd bòite ansì veuide che qualsëssìa mërda tl'has fra le man a la ciapo. I lo fon nen përché im calo nen, l'haj na cossiensa kantian-a e i veul cheidun par a mi dacant mi. A l'è la sòlità regola: pòch ma bon. I lo fon nen përché a sarìa gioghe slealman co'j badòla. E peuj im anflerìa tratand con la cracia dël gener uman: da 'n cont am fa pròpe pen-a co'l sens pì bon e compassioneivol dël term. Da n'aut cont am sarussa co'l sens pì rassegnà e definitiv dël term.

Mentre sòn mi, Uslengh Simon, im pòst oviosman al vertis d'ëd crind ëd nient. I l'avraj 114 ëd QI disend tant e l'autëssa 'd mè scran a l'è amireivol 'me la Ròca 'd Cavor vzinà a le bëcche alpin-himalayan-e. E da matòt ch'i son i peul nen fè d'autr che lasseme bautiè da coj sërvej, bin pì svicc che 'l mè, për che i l'haj na sòrt ëd divinassion, ch'a arseurto a dì lòn ch'i l'haj sla ponta dla lenga da d'ann e i saj nen dì. Coj monsù padron dij mòt e dij fait, coj ch'as calo con soa superiorità a trateme 'me 'd moleja fra le falansëtte, uman ansì premadur e ansì pront, gent ch'a l'ha capì tut përché a l'ha capì prima. Përson-e ansì antligente da dëscute mè drit a parlè, përcon-e ch'am cito, am buto an dësage.

E a l'è col disage ch'i veul, përché l'è bin pì antressant e stimolant che lajè le tatiche për dovrè na maraja 'd sume consumiste e a pansa pien-a. A son cle përson-e che, 'me a mugìa scrivend cla vaca d'Oriana Fallaci, a bogio 'l mond, nen 'me 'j mediòcher dël politically correct ch'a son ëd tan e 'd balengh.  Ma giomaj a sisto dcò ij mediòche dël politically incorrect. Coj ch'a vëddo daspërtut dë sghìe chimiche, la Massonerìa, j'Anlusà, ch'a deuvo liè minch n'event con ën fil ross ch'a conduvrà siurman al gramissim, al distrutor ëd ment, al buracè. A san d'andè contra tut, con soa vita da PËRSON-E ANFORMÀ e CONSAPEIVOJ dël carcavija 'd 1984 ant che a vivo. Pecà che soa vita a l'è totalman conforma 'l model consumista. La soa l'è n'arbelion paranòica ch'a giustifia sò ansens. Loraut a sisto nen përchè a fan cheicòs d'util, ma pr'esse anformà e andè contra. Chi a rason-a ansì l'ha già bandonà con reidëssa l'unich afè an man d'òm ch'a lo giuta a guernè minch n'event: la lògica probabilistica. Ancheuj le përson-e veuide a son ampinìe 'd bale da jë spregiudicà pì antligent ch'a elauro le dite bale. Mi i son nì j'un nì l'aut.

E cand i diso ch'a l'è perfetman piemonteis tut sòn, l'è përché 'l Piemont d'ancheuj l'è na meiòcra apendiss ëd na popolassion uman-a che da semper a l'ha j'anteligense distribuìe scond na gaussian-a, ma che maj 'me dess a l'avìa alvà la goba dla mediòcrità a na tal amportansa. E chi a sta dzor o ant ël setor dël pì o manch, o as amusa a tratè tuit 'me 'd sumie, o as ansara ant ël slens përché a serv pròpe a gnent scontresse con la mediòcrità 'd na maraja ch'a l'è për nient estinsenda, ma a l'è tuà 'me s'a l'era an lista rossa, con le tipiche scuse che a l'è nen TOTALMAN GNORANTA, che an tuit a-i è 'D BON, ch'a deuv esse CÒNVOLVÙA. L'è nen ver. Ij vagon a traino gnun crind. S'fan trainè. Ch'l'è dvers, e quand as chërd che mincadun a l'ha 'n "motorin" ant chel 'dem,

AS FALISS

l'umanità a fonsion-a ant sò process stòrich 'me 'n tren dël multivers, ch'a l'ha na locomotiva ch'a part da na stassion për rivé a sichesaj ëd në vnient arest. E la lòcomotiva a son le përson-e antligente. J'aut a peulo mach arpete 'n moviment, lassesse bogè, o pì sempliman, esse 'n peis, ën badò pien ëd carbon ch'a peul esse brusà për possè la lòcomotiva dij pì svicc. O sgairà. E 'l consumism a sgaira. A "democratisa". D'antregh setor d'es pais a son lassà an man a 'd vagon. E 'j vagon a san nen trainè. Conclusion: sta landa l'è vnùa la stassion dij binari mòrt, 'me l'interpòrt d'Orbassan. La stassion dij binari mòrt, dont tren a rivran maj a la vnienta stassion.

(1) Badòla a ven da badò, donch a l'è col ch'as caria dòss tute le bale ch'it jë conte.

ITALIAN: Vagoni

Mentre gli amici di Gioventura Piemonteisa si sparano una flagellazione e una santa Eucaristia endovena, io vorrei parlare di qualcosa straightly piemonteis. Stiamo parlando non tanto della teoria del flogisto o della Sacra Sindone, che quella è fuffa putrefatta. Oserei escludere anche la storiella che Lamarmora provava i cavalli nel Ticino e vendeva a poco ai contadini della zona quelli a cui l'acqua gli entrava nel diddietro, poco adatti a avercela nel culo da arruolati. Insomma, sto per scrivere di un qualcosa di veramente cosparso di bagna cauda, consumato nel limone come la carne all'albese, stritolato nella sua piemontesità come un amaretto di Mombaruzzo per preparare un bonet. Un qualcosa di fritto e bollito e poi misto. Un qualcosa di cementato fra i mattoni di Superga, incastonato in tutte le cittadelle, respirato da ogni mucca locale, fotosintetizzato da ogni più stupida erbaccia infestante, riflesso da ogni più flaccida pietra di Luserna.

La specie umana locale. Quella massa di scimmie che popolano con densità sempre maggiori soprattutto le aree temperate del pianeta e di conseguenza non hanno risparmiato il silvano Piemonte. Quelle masse di scimmie che camminano sui bordi delle provinciali, con le ascelle pezzate. Quelle masse di idioti coi dilatatori alle orecchie che fanno four-cross in centro. Quelli carnivori e quelli scalmanati rivoluzionari. Portano tutti avanti la loro rivoluzione, la loro ribellione, la loro testardaggine. Hanno un'idea bellissima per la loro vita. Grand Theft Auto: bisognerebbe chiedere a costoro, what's left, picio? E poi ci sono quelli di Casa&Chiesa, ugualmente fastidiosi e ugualmente badòla (1). Io da questi picio mi dissocio.

Lo faccio ora. Per iscritto, in questo blog dove parlo fieramente da solo, ovvero col maggior esperto di sociologia che conosco. Non me ne frega se qualcuno additerà la mia alterigia, il mio destino solitario, il mio eventuale ma affatto necessario senso di colpa per non aver cercato di coinvolgere le masse in una Jihad di salvezza, in una rivoluzione democratica. Potrei, volendo, trattare un buon numero di persone come mollica di pane fra le dita, come il pongo dei bambini. E' pieno di scatole talmente vuote che qualsiasi merda tu abbia in mano la accettano. Non lo faccio perché non me la sento, ho una coscienza kantiana e voglio qualcuno al mio pari accanto a me. Insomma, è la solita santa regola: pochi ma buoni. Non lo faccio perché sarebbe giocare sporco con gli ingenui. E poi mi sporcherei a trattare con la feccia dell'umanità: da una parte mi fa proprio pena nel senso più buono e compassionevole del termine. D'altra parte mi ripugna nel senso più rassegnato e lapidatorio del termine.

Allo stesso tempo io, Uslenghi Simone, non mi colloco certo all'apice di un cazzo di niente. Avrò 114 di QI a dir tanto e l'altitudine del mio scranno è ammirevole quanto la Rocca di Cavour accostata alle altitudini alpino-himalayane. E da piccoletto quale sono non posso far altro che lasciarmi cullare da quei cervelli, ben più svici del mio, per i quali ho una sorta di divinazione, che riescono a dire quello che io ho sulla punta della lingua da anni e non so dire. Quei signori padroni delle parole e dei fatti, quelli che se la sentono nella loro neutrale superiorità di trattarmi come mollica tra i polpastrelli, umani così precoci e così preparati, gente che ha capito tutto perché ha capito prima. Persone così intelligenti da mettere in discussione il mio diritto di parlare, persone che mi sminuiscono, mi mettono a disagio.

Ed è quel disagio che voglio, perché è molto più interessante e stimolante che affinare le tattiche per manipolare una massa di scimmie consumiste a pancia piena. Sono quelle persone che, come muggiva per iscritto quella vacca di Oriana Fallaci, muovono il mondo, non come i mediocri del politically correct che sono tanti e stupidi. Ma esistono ormai anche i mediocri del politically incorrect. Quelli che vedono ovunque le scie chimiche, la massoneria, gli Illuminati, che devono collegare ogni evento con un filo rosso che condurrà certamente al malvagio, al distruttore di menti, al burattinaio. E sanno d'andare contro tutto, con la loro vita da PERSONE INFORMATE e CONSAPEVOLI del 1984 in cui vivono. Peccato che la loro vita sia del tutto in linea al modello consumista. La loro è una ribellione paranoica che giustifica la loro insensatezza. Loro esistono non per fare qualcosa di utile, ma per essere informati e andare contro. Chi fa questo ragionamento ha già abbandonato con orgoglio l'unica cosa in mano all'uomo che lo aiuta a governare ogni evento: la logica probabilistica. Oggi le persone vuote vengono riempite di cazzate dagli spregiudicati più intelligenti che elaborano le dette cazzate. Io non sono né gli uni né l'altro.

E quando dico che è perfettamente piemontese tutto questo, è perché il Piemonte odierno è una mediocre appendice di una popolazione umana che da sempre vede distribuite le intelligenze secondo una gaussiana, ma che mai aveva elevato la gobba della mediocrità a una tale importanza. E chi sta sopra o nel settore del più o meno, o si diverte a trattare tutti come scimmie, o si rinchiude nel silenzio perché non serve proprio a niente scontrarsi con la mediocrità di una massa che non è per niente in via di estinzione, ma viene tutelata come se fosse in lista rossa, con le tipiche scuse, che NON è DEL TUTTO IGNORANTE, che in ognuno c'è DEL BUONO, che VA COINVOLTA. Non è vero. I vagoni non trainano un cazzo. Si fanno trainare. Che è diverso, e quando si crede che ognuno abbia un motorino in sè,

SI SBAGLIA

l'umanità funziona nel suo processo storico come un treno del multiverso, che ha una locomotiva che parte da una stazione per arrivare a chissà quale prossima fermata. E la locomotiva sono le persone intelligenti. Gli altri possono solo ripetere un moto, lasciarsi trainare, o più semplicemente, essere un peso, un carico pieno di carbone che può essere bruciato per spingere la locomotiva dei più intelligenti. O sprecato. E il consumismo spreca. "Democratizza". Interi settori di questo paese sono lasciati in mano a dei vagoni. I vagoni non sanno trainare. Conclusione: questa è diventata la stazione dei binari morti, come l'interporto di Orbassano. La stazione dei binari morti, i cui treni non arriveranno mai la prossima stazione.

(1) Badòla in piemontese deriva da badò (carico), infatti è colui che si carica addosso ogni cazzata che gli racconti.

Balengh vernal an temp istal

Balengh vernal an temp istal

T'piste l'erba malsurtìa
da 'n rendering perfet
T'serche l'aria putressenta
d'ën sotpassage d'vert.
T'veul montè dzor na reonav
Ma quand a atero lente
pitòst che cariè ti e tò mor
a raviòto an cel brandente.
Gnun s'brusa quand a preuva
a ciapè d'raj solar.
Ma vardlo ant sòj euj d'feu,
ël masseur ëd diotrìe,
t'vorìe tant angiurielo
t'vorìe parleje s-cett
nopà tòj atach bujent
a j'ero 'j sòlit colp:
coj ampërmuà da l'arsenal
dle bale 'd fiòca slià.

Scemo d'inverno in tempo d'estate

Pesti l'erba uscita male
da un rendering perfetto,
Cerchi l'aria putrefatta
di un sottopassaggio aperto.
Vuoi salire sopra un dirigibile
ma quando atterrano lenti
piuttosto che caricare te e la tua faccia
si avvolgono in cielo in fiamme.
Nessuno si brucia se prova
a afferrare dei raggi solari
Ma guardalo nei suoi occhi,
l'assassino di diottrie:
volevi insultarlo tanto,
volevi parlargli diretto,
e invece i tuoi attacchi
erano i soliti proiettili:
quelli che hai preso dall'arsenale
delle palle di neve sciolte.

Sust dij mòt _ Significato delle parole

PIEMONTEIS: Sust dij mòt

As peul nen fondesse sël significà 'd na paròla. As peul nen fidesse che con na paròla as peul dì tut, përché a l'è 'mé scomëtte s'un tìtol tòssich. A falirà. Ël sust dij mòt d'ës temp a subiss tanme mai dnans l'entropìa, ël dësardriss, ël cangiament, la dzorprodussion, l'enfiassion. La rej stradal dle paròle a l'ha mach d'utent ch'a la espluato e gnun cantonè. La natura dij mòt a fonsion-a 'mé n'ecosistema. L'ha damanca 'd guardian. E da guardian enfitèotich dl'anvironment lenghistich, j'òm a l'han ël dovej naturalment vagnà ëd guernè e ameliorè 'l sust ëd tute le paròle, e 'd minca 'n pcit oget. E nen tant con ëd neuve acession, pitòst con d'afermassion dël valor; foma na comparision edil: i l'oma na paròla faita 'mé na cà; soens a serv pa ampiè la cà con d'àutre neuve stansie. Dovoma mach ornela, ardrissela, vivla e, quand queidun a vorërà catela, dì: "Sta ca a val 300 mila Euro e nen n'Euro d'men; luscme nen."

"Guardian enfitèotich", magara i seve nen còs a veul dì "enfitèotich", e mi i veul esse sigur ch'i lo seve përchè sta paròla a am fa fé 'd bej pensé:
https://it.wikipedia.org/wiki/Enfiteusi  https://fr.wikipedia.org/wiki/Bail_emphyt%C3%A9otique

ITALIAN: Significato delle parole

Non si può contare sul significato di una parola. Non ci si può fidare che con una parola si possa dire tutto, perché è come scommettere su un titolo tossico. Fallirà. Il significato delle parole in quest'epoca è soggetto come mai prima all'entropia, al disordine, al cambiamento, alla sovrapproduzione, all'inflazione. Il paese delle parole ha solo sfruttatori e nessun cantoniere. La natura delle parole funziona come un ecosistema. Ha bisogno di custodi. E in qualità di custodi enfiteutici dell'ambiente linguistico, gli uomini hanno il dovere naturalmente acquisito di conservare e migliorare il significato di ogni singola parola, di ogni singolo oggetto, non tanto con nuove accezioni, ma con un'affermazione del valore. Facciamo un paragone edile: abbiamo una parola che è fatta come una casa; spesso non è necessario ampliare la casa con nuove stanze. Dobbiamo solo ornarla, tenerla in ordine, viverla e, quando qualcuno vorrà comprarla, dire: "Questa casa vale 300 mila Euro e non un Euro in meno; non mi fregare."

"Custodi enfiteutici", forse non sapete cosa vuol dire "enfiteutici", e io voglio essere sicuro che lo sappiate perché questa parola fa far dei bei pensieri:

https://it.wikipedia.org/wiki/Enfiteusi  https://fr.wikipedia.org/wiki/Bail_emphyt%C3%A9otique

Cheich cit e umil consej a j'andependentist da un ch'a fa nient ma a-j pias parlè

PIEMONTEIS: Cheich cit e umil consej a j'andependentist da un ch'a fa nient ma a-j pias parlè

J'andependentist piemonteis as lasso trasportè da la neubiltà dla causa e a finisso smentiand la lògica. Dapòst ch'i-j veul scettman bin, i vorrìa scrivje cheich aspet dël disfè l'Italia, dlë smon-e 'l Piemont e dël mostrè la lenga.

1) J'atuaj cò-leu a peulo sblochè 'n referendum regional ch'a arvarda mach la valba 'd cola region ANCHEUJ. Donch le diciairassion d'andependensa a dovran arspete j'atuaj division geografiche dj'anstitussion italian-e. As podrà nen ciamè l'andependensa 'd Piemont gavà Neuve e ciapà la Lomlin-a, përché as ardisegna la forma 'd Piemont contemporaniman ël referendum e as considro d'unità 'd valba cite 'me 'j vej dantorn. Ij dantorn, 'me as sa, a sisto pì nen dal 1927. Sòn sarìa nen se PRIMA dël referendum d'andependensa, an pien argim italian, as lassa Neuve a la Ligura për referendum. Ma conomicman a conven nen a Neuve (La Ligura a l'è butà pes che 'l Piemont) e politicman a l'è nen considrà na chestion arlevant e urgenta. E ancorpì se ij piemonteis, conforma la lej "pòch ma bon", a cedo Neuve a la Liguria 'me a sarìa giust, peuj a l'è franch nen dit che , sl'aut term, la Lombardìa an ced la Lomlin-a. Donch disoma che ste chestion a son tròp fumose e a podran esse considrà, ma an temp bin longh e comsìa sucessiv a l'andepensensa dij vair ëstat. Notè 'me i parlo nen dë stòria, dcò conossendla. Marman përchè, scettman, a serv nen parlene. Gnun a l'ha anvìa dë vdì doe fassion co'l parpajon al còl ch'a brajo fra loro managiand ëd carte giaune 'd vej. A gnun a antressa sòn e 'd chestion parej a saran maj ën bon arsòrt për le masse.

2) J'atuaj còleu a saran le neuve capitaj. S'i parloma dël vej treangol industrial, a l'è bin ciaira l'organisassion tòpica 'd na provinsa (con ëd sità medie e 'd ciochè sbardlà) ch'a òrbito dantorn ël senter conòmich, sossial e politich ch'a l'è la metròpoj con sòj sotborgh ëd casermon. Pr'ij fan d'Euclid a l'è noteivol la precision dij vertis ëd Milan, Genoa e Turin co'l barsenter a Lissandria, che naturalman a l'è dcò l'interpòrt ëd liure 'd fer e 'd strà. Sarà parenteis. Ij còleu a son ij pont antè agì. La provinsa a seguitrà e a darà n'arpòrt bin pì conseguenstial che lòn ch'as peul pensè përché a l'è assolutman dependenta da la capital. Donch scond mia modesta opinion, travajè an provinsa a l'è tan carin, ma a l'è 'n pòch dissipant. A serv sfidè la metròpoj pr'intrè lì. A podrà smijè ancor pì dissipant e steril për la pì granda esigensa e gnoransa dl'uditòri nen piemontòfon, ma për lògica, i dovoma travajè ant ël setor coltural; ant ël setor coltural, a l'è la sità ch'a depend dal camp o 'l contrari? I dirìa pròpe 'l contrari. La sità a l'è 'l senter coltural. S'is së sciancoma 'n canton an sità, l'arsonansa a l'è pì vasta e con ij giust posson as peul dcò dovrè l'antressant "efet esponensial", cand ën fenòmen coltural a ven massiss e a së spantia con granda lestëssa sëmnand j'idee an pì 'd vas (feur ëd metàfora, sugestionè pì 'd biòche a nòsta idea). Sòn an provinsa as peul nen fè. I diso nen che dess a venta chitè a fè tut lòn as fa an provinsa, dcò përchè a-i è 'd gent ëd provinsa ch'a peul nen spostesse an sità, ma a travaja a sò pais. Contut sòn, siurman an provinsa a fonsion-a nen l'efet esponensial. Peuj ël problem a sarà 'me sempre la dialetica, ch'as peul pa vitè. Se 'n fenòmen së spantia a sarà osservà e giudicà e a rivran ij contrari, ch'a voran chetelo prima ch'a agiss. 'Me semper, a antressa a gnun che idee t'l'has. A antressa pitòst lòn t'fas, ch'a l'è bin pì pericolos s'it neuse cheidun. Ma mi i farìa tan-a tension a campela vit sël politich. A deuv esse na neuva costuma coltural cla 'd pensè dcò al cit, ëd sonè 'd musica moderna an piemonteis, e poesìa, e teater modern ëd bon-a qualità an piemonteis. Dapòst ch'a deuv spantiesse dj'ann 10-20 dël secol XXI a podrà certman nen dovrè 'd moje dël Neuvsent o 'dcò pì antigh. Dovrand ëd mojen pì modern d'associassion 'me Gioventura Piemonteisa o d'aute, ch'a l'han savù posissionesse ant ij social network a l'han vagnà, i në son siur, d'amis e d'anscrit che prima a l'avìo nen. A sarìa antressant fè d'app seriose për fonin për amparè 'l piemonteis, 'me a l'han fait an Gàles për ël celitch galeis. Mach che mi i son pa bon a feje. Comsìa: a l'ancamin a deuv nen esse 'n fait politich. A deuv creesse 'd fond coltural ëd scritor, poet, ator, cantan e dramatist che peuj forsa as mostrerà tan separà da j'andependentist anvolvù an politica, da esse andiferenta o fin-a contraria a l'andependensa. Dcò ij drapò: a sarà mej nen esagerè. A SARA'. Dess a-i è ancor gnun rizgh: as gropa 'l drapò nianch antè as deuv. Ma pì anans, a sarà nen tan frutos smon-e a tuit e a minch ën còst ën drapò. E oltra a fè nen ij tachiss con coj da convinse, a venta dabon vitè 'd fè ij tachiss con le chestion pì lateraj. Pr'ëd paturnie o 'd fisse as fa che campè tut a l'aria.

 3) Già ai pont vnù i l'haj possà a vitè 'd chestion anutij. A-i è nen mach cola dle valbe. Dcò cola dle vairante a l'è bin dolorosa. A më smija nen ë concet dificil col ë standard lenghistich, ma a smija ansì dificil da spieghè. Cheidun a smija ansiste a nen capì, ma sòn a fa nen bin al piemonteis. Ël piemonteis, 'me tut, a l'è sotbutà a la dura lej ëd Darwin, s'a l'è pancor capisse. E, pr'esse salvà a deuv aossè 'l volum ëd soa vos, dësnò sarà pa scotà. E s'a l'è nen già paleis, gnun as ciaprà na lenga ch'a cangia minch na provinsa. Përchè a l'è nen na lenga moderna. Ël piemonteis a deuv esse stoturà an fasson unionist. Ch'a son-a mal, a smija fè 'me j'italian l'han fait con noi. Ma a l'è nen parej: a veul nen dì campè via le vairante. Sempliman, e i parlo dabon sempli sempli, le vairante a dovran esse arsiclà, scond ël sens ecologist e neubil dël verb, përchè a son faite con ëd bon-a rumenta, ma a contribuisso a la mòrt dël piemonteis parej 'me a son faite. A l'ha nen na forma adata, a deuvo esse adatà. Donch fin-a che as antend për vairanta 'l salusseis che për la sconda përson-a singolar a dòvra -es nopà che mach la -e, për carità, as peul ametla. J'aute vairante, 'me l'astesan, as compijo. A son d'vairante lessicaj, nen gramaticaj. Donch tuit ij mòt astesan a peul esse arversà con sò significà ant ël vocabolari dël piemonteis ëd tuit. Un ëd Lans o d'Onsin a podrà dì "matòt": a l'è 'n mòt nassù a Ast, donch a l'è piemonteis. Piemonteis e bòn. Dcò përché peuj coj pòch d'alfabetisà a creo sò piemonteis anventand ëd lenghe 'd borgià o d'enesime grafìe. A damagio. E mi istess i son stecame për sòn. I l'haj avù la tentassion e peuj i son conformame. Cand i scriv na poesiòla im pijo mia cita licensa, ma peuj i la pòso për la pròsa. L'è pa dificil. Cand i diso che 'l piemonteis a deuv forsaman vnì modern, i diciairo pa la nassùa ëd na vanguardia literaria. Ëd son iv parlëraj marman n'auta vira. Mancassìa dess iv diso ch'i spero mach ant në standard, cheicòs mostrabil almanch a 'n gotha piemonteis ch'a va d'acòrde. Tute le lenghe a son trovasse në standard. O almanch, tute le lenge VIVE.

ITALIAN: Qualche piccolo e umile consiglio da uno che non fa niente ma a cui piace parlare

Gli indipendentisti Piemontesi si lasciano trasportare dalla nobiltà della causa e finiscono per dimenticare la logica. Siccome gli voglio sinceramente bene, vorrei scrivere loro alcuni aspetti del disfare l'Italia, del proporre il Piemonte e dell'insegnare la lingua.

1) Gli attuali capoluoghi possono sbloccare un referendum regionale che riguarda il solo territorio di quella regione OGGI. Quindi le dichiarazioni di indipendenza dovranno rispettare le attuali suddivisioni geografiche delle istituzioni italiane. Non si potrà chiedere l'indipendenza del Piemonte esclusa Novi Ligure e inclusa la Lomellina, perché si sta ridisegnando la forma del Piemonte contemporaneamente al referendum e si stanno considerando unità territoriali piccole quanto dei circondari. I circondari, com'è noto, non esistono più dal 1927. A meno che PRIMA del referendum d'andependensa, in piena Italia, non si ceda Novi Ligure alla Liguria tramite referendum. Ma economicamente a Novi non conviene (la Liguria è messa peggio del Piemonte) e politicamente non è considerata una questione rilevante e urgente. Tanto più che se i piemontesi, in nome della legge "pochi ma buoni", cedessero Novi alla Liguria com'è giusto che sia, non è assolutamente detto che, sull'altro fronte, la Lombardia sia disposta a cederci la Lomellina. Quindi diciamo che queste questioni sono troppo fumose e potranno essere considerate, ma in tempi molto lunghi e successivi all'indipendenza dei vari stati. Notate come non sto parlando di storia, pur conoscendola. Forse perché, in tutta franchezza, non serve parlarne. Nessuno ha voglia di vedere due fazioni in papillon che sbraitano fra loro brandendo cartine ingiallite. Non gliene frega niente a nessuno e non si farà perno sulle masse con ragioni simili.

2) Gli attuali capoluoghi saranno le nuove capitali. Se parliamo del vecchio triangolo industriale, è assolutamente chiara l'organizzazione di una provincia (con città di medie dimensioni e campanili sparsi) che orbita intorno al centro economico, sociale e politico che è la metropoli con i suoi sobborghi di casermoni. Per i fans di Euclide è notevole la precisione dei vertici di Milano, Genova e Torino con il baricentro in Alessandria, che naturalmente è anche l'interscambio di ferrovie e autostrade. Chiusa parentesi. I capoluoghi sono i punti in cui agire. La provincia seguirà e darà un apporto molto più consequenziale di quello che si può pensare perché è assolutamente dipendente dalla capitale. Quindi secondo il mio modesto parere, lavorare in provincia è tanto carino, ma è un po' dispersivo. E' necessario sfidare la metropoli per inserirsi lì. Potrà sembrare ancora più dispersivo e sterile, ma per logica, dobbiamo lavorare nella cultura: per la cultura, è la città che dipende dalla campagna o viceversa? Direi che è proprio viceversa. La città è il centro culturale. Se ci si strappa un angolo in città, la risonanza è più grande e con le mosse giuste si può anche accedere all'interessante "effetto esponenziale", quando un fenomeno culturale diventa massiccio e si diffonde con grande rapidità seminando le idee in più vasi (fuor di metafora, convincere più teste alla nostra idea). Il problema è come al solito la dialettica, che non si può evitare. Se un fenomeno si diffonde verrà osservato e giudicato e arriveranno i contrari, che vorranno affievolirlo prima che passi all'azione. Come al solito, non interessa a nessuno che idee hai. Interessa piuttosto quello che fai, che è molto più pericoloso se urti qualcuno. Io però farei molta attenzione a buttarla subito sul politico. Deve essere una nuova attitudine culturale quella di pensare in piccolo, di comporre musica moderna in piemontese, poesia e teatro moderni di qualità in piemontese. Essendo che deve diffondersi negli anni 10-20 del XXI secolo non potrà certamente usare mezzi del Novecento o anche più antiquati. Sarebbe interessante fare app per telefonino serie per imparare il piemontese, come hanno fatto in Galles per il celtico gallese. Solo che io non so farle. Comunque: all'inizio non deve essere un fatto politico. Deve crearsi un base culturale di scrittori, poeti, attori, cantanti e drammaturghi che poi magari si dimostrerà talmente distinta dagli indipendentisti coinvolti in politica, da essere indifferente o perfino contraria all'indipendenza. Anche le bandierine: è meglio non esagerare. Al momento non c'è questo rischio: non si mette il drapò neanche dove si deve. Ma più avanti, non sarà molto proficuo propinare a tutti e a ogni costo un drapò.

3) Già al punto uno ho praticamente caldeggiato a evitare alcune questioni inutili. Non c'è solo quella territoriale. Anche quella delle varianti è una questione dolorosa. Non mi pare un concetto difficile quello di standard linguistico, eppure sembra così difficile da spiegare. Alcuni pare si ostinino a non capire, ma questo non fa bene al piemontese. Il piemontese è sottoposto alla dura legge di Darwin, se non si è capito. E per essere salvato deve alzare il volume della voce, altrimenti non sarà ascoltato. Con questo intendo che nessuno si filerà una lingua che cambia ogni metro che si marcia. E se non è ancora palese, nessuno si filerà neanche una lingua che cambia ogni provincia. Perché non è questa una lingua moderna. Il piemontese deve essere strutturato in modo unitario. Il che non vuol dire distruggere le varianti. Semplicemente, e sto parlando proprio semplice semplice, le varianti dovranno essere riciclate, perché sono un buon materiale, ma contribuiscono alla morte del piemontese così come sono fatte. Non hanno la forma adatta, devono essere adattate. Per cui finché per variante si intende il saluzzese che alla II singolare usa -es invece che solo -e, per carità, è arginabile. Le altre varianti, come l'astigiano, sono assimilabili. Si tratta di varianti lessicali, non grammaticali. Quindi tutte le parole astigiane possono essere riversate con il loro significato nel vocabolario del piemontese di tutti. Uno di Lanzo o di Oncino potra dire "matòt": è una parola nata ad Asti, quindi è piemontese. Piemontese e basta. Anche perché poi quei pochi alfabetizzati creano il loro piemontese inventando lingue di borgata o ennesime grafie. Danneggiano. E io stesso mi sono bacchettato per questo. La tentazione l'ho avuta e poi mi sono adeguato. Quando scrivo una poesiola mi prendo la mia piccola licenza, ma poi la poso per la prosa. Non è difficile. Quando dico che il piemontese deve necessariamente diventare moderno, non proclamo la nascita di un'avanguardia letteraria. Di questo vi parlerò magari un altra volta. Per ora vi dico che spero solo in uno standard, un qualcosa che poi si possa insegnare almeno a un gotha che vada d'accordo. Tutte le lingue si sono trovate uno standard. O almeno tutte le lingue vive.