Arpat_Soddisfazione

PIEMONTEIS: Arpat

A mi ij pensè pì bej a ven-o mentr i fon o penso 'd bale. Dcò cand i parlo sol dnans l'elaborator, arpetend d'afè sentù o lesù an gir (con dcò ij dait) 'me s'i deuvo pijè part da unich opinionist salvabil a 'n talk show d'australòpiteche brajante demo-pupon-e. Peuj mentr a cor ël fluss dë stronsà tre o quat mòt s'ancontro, s'fan cerea, a formo 'n Bok-glòbol e tak! S'visca na steilòta fra 0.08 e 0.4 masse solare, na nan-a rossa, na giga-ampola tëbbia. E i son pròpe arpatà, anfait i revo ij dependent dj'ufissi dl'emisfè destr ëd mè servel (arpart intuission) ch'as rëtto e a plaudo 'me 'j tecnich dla NASA dòp ën frand compì, dëstopo 'd moscà Valbelb, sauto sle fòtocopiatore, a posso ij contuar contra 'j mur e a ancamin-o a autoscontresse con le buro-cadreghe. Antlor, es sì l'è arpat. Av resta mach pì da ciameve lòn diav l'è vnume an ment da esse ansì argiojent. Brav, a veul dì ch'i l'eve n'arspòsta a tut lòn restant

ITALIAN: Soddisfazione

A me i pensieri più belli vengono mentre faccio o penso cazzate. Anche quando parlo da solo davanti al computer, ripetendo cose sentite o lette in giro (con tanto di dati) come se dovessi partecipare come unico opinionista salvabile in un talk show di australopiteche urlatrici demo-tettone. Poi mentre scorre il flusso di stronzate tre o quattro parole si imbattono fra di loro, si fanno ciao, formano un globulo di Bok e tàk! Si accende una stellina fra le 0,08 e 0,4 masse solari, una nana rossa, un giga-lampone tiepido. E son proprio soddisfatto, infatti mi immagino i dipendenti degli uffici dell'emisfero destro del cervello (reparto intuizione) che si alzano in piedi e applaudono come i tecnici della NASA dopo un lancio riuscito, stappano Moscato Vallebelbo, saltano sulle fotocopiatrici, spingono le scrivanie contro i muri e iniziano a fare l'autoscontro con le sedie d'ufficio. Insomma, questa è soddisfazione. Non vi resta che chiedervi cosa cazzo mi è venuto in mente da essere così esultante. Bravi, vuol dire che avete una risposta a tutto il resto.