Da ancheuj a-i saran pì nen sémper ij virage an italian.
Belessì ël filmà dël debat:http://www.comune.torino.it/consiglio/prg/web/verbali/verbali1.php?c_riunione=7729
Belessì la votassion:
http://www.comune.torino.it/consiglio/prg/web/verbali/votazioni_riepilogo.php?c_riunione=7729&c_argomento=M201204580
"Quand che na merda a monta an scagn, o ch'a spussa o ch'a fa dann." E fin-a sì i soma tùit d'acòrd. Ma la question a l'é che se lorsì a son "dialettofobi", a-i é pa vàire da discute. A lo restran fin-a quand ch'a meuiro. La diferensa i la foma an dimostrandje da na mira técnica lòn ch'a l'é 'l piemontèis e lòn ch'a arseurt a esprime. Lor a diso ch'as peul nen viré an piemontèis jë strument burocràtich, e combin che noi i-j podoma rësponde che 'd nò, lor doman a podran vnì e ciamene: 'me as dis "plesso ospedaliero", "effettuare ricongizioni", "classamento catastale"? An trocion-o parej, beicandne mentre ch'i soma pancor pront. A venta prontela la lenga, prima d'aplichela al mond modern. contrasté sta gent a serv pa s'i l'oma nen le spale larghe con na lenga ch'a l'é dabon consistenta, fòrta, organisà ant ël detaj. I pense dabon che da doman as podrà taché a fé lòn ch'a fan àor ij catalan? A l'é 'n bel seugn. A venta modlé mej ël concet ëd polìtica lenghìstica: sent agn prima dle sfilade arlongh la Rambla con l'Estelada, a Barslon-a a l'é staie 'n bonòm, monsù Pompeu Fabra, ch'a l'ha nen spetà la tua për fé tanme al l'avìa.
Nessun commento:
Posta un commento